NNDDD 1-14
PÒBLE DE DIEU, PRÈSTA L'AURELHA
(Provençal, nòrma classica)

1 Pòble de Dieu, prèsta l'aurelha,
Escota çò qu'es avengut,
Vène veire la grand mervelha:
Lo filh de Dieu es uèi nascut.
Leis àngels l'an cridat en l'èr
Qu'eu, es lo rei de l'univèrs.

Refrin
A genolhs, tots remercièm
Dieu lo paire,
E a son filh cantarem
E a sa maire.

2 Anèm tots en dedins l'estable
Per veire nòstre redemptor,
E ben que semble miserable
Eu es polit coma lo jorn.
Es aquí nascut umblament
Sus la palha lo trobarem.

3 Nautrei siam nats jos un bòn astre
De poder veire nòstre ben;
E ben que non síam que de pastres,
Dieu fai estat dei paures gents,
Anèm adorar Jèsus-Crist
Que nos donarà paradís.

4 Demandèm-li misericòrdia
De tots nòstrei pecats passats,
Que vuelhe mantenir concòrdia
Per tot lo monde e bòna patz;
Que, quand sarem près de morir,
Son rènhe nos vuelhe dobrir.

Traduction française littérale:
1 Peuple de Dieu, prête l'oreille / écoute ce qu'il est advenu, / viens voir la grande merveille: / le fils de Dieu aujourd'hui est né. / Les anges l'ont crié en l'air / que c'est lui le roi de l'univers.//
Refrain: À genoux, tous remercions / Dieu le père / et à son fils nous chanterons / et à sa mère.//
2 Allons tous à l'intérieur de l'étable / pour voir notre rédempteur, / et bien qu'il semble misérable / il est joli comme le jour. / Il est né humblement ici / sur la paille nous le trouverons.//
3 Nous, nous sommes nés sous une bonne étoile / de pouvoir voir notre bien, / et bien que nous ne soyons que des pâtres, / Dieu tient compte des pauvres gens. Allons adorer Jésus-Christ / qui nous donnera le paradis.//
4 Demandons-lui miséricorde / de tous nos péchés passés, / qu'il veuille maintenir la concorde / pour tout le monde et bonne paix; / que, quand nous serons près de mourir, / son royaume il veuille nous ouvrir.